Ég efast um að þetta sé Bin Laden

Ég er viss um að Bin Laden  hafi verið drepinn í árásunum á Bora fjallið eða að hann hafi dáið fljótlega eftir árásina.

Mig grunar að Bandaríkjaher noti nafnið hans og nafn al Qaeda til að mjólka peninga frá Bandaríska þinginu.

Evrópa yfirgefi Afganistan

Athugasemdir

[Nonnucci, 29.11.2007 kl. 21:15]

...og þú byggir þetta á...?

[Furðufuglinn, 29.11.2007 kl. 21:25]

Það hefur ekkert sést til karlsins síðan fyrir þessa árás. Það hafa verið sýndar myndir af honum sem geta hafa verið frá því áður en þessi árás var gerð. Röddin er sögð líkjast rödd Bin ladens, en raddir hafa áður verið falsaðar á upptökum.

Að þetta sé bara leið til að fá peninga hef ég ekkert fyrir mér, ég viðurkenni það.

Enda sagði ég bara að þetta væri grunur minn og hann er byggður á því að milljónir dollara hverfa frá hernum án skýringa þannig að spillingin er fyrir.

[Nonnucci, 29.11.2007 kl. 21:55]

Það koma reglulega myndbönd frá al-Q sem sýna B. Laden tala um alls konar vitleysu, og í flestum þeirra er hægt að greina einhverja útlitsbreytingu á hundingjanum. Skv. þessari kenningu þinni hefur Laden verið á fullum hraða að breyta útliti sínu örlítið og búa til myndbönd áður en loftárásirnar hófust, þar sem hafi hann verið í Tora Bora á þeim tíma hefur hann ábyggilega ekki haft of mikinn tíma í myndbandsgerð, en það er ágiskun mín.

Ert þú sem sagt að:

a) Neita að þetta sé Bin laden á þessum myndböndum sem al-Q hefur birt, eða ef til vill að Bandaríski herinn hafi búið til þessi myndbönd.

b) Að Bin laden hafi gert öll þessi myndbönd áður en loftárásirnar hófust, og þá í hvaða tilgangi? Til þess að Bandaríski herinn fengi meira fjármagn? 

Það er fínt að pæla aðeins í því hvað getur og getur ekki hafa gerst, en ég er ekki sannfærður af þessari kenningu þinni. 

[Furðufuglinn, 29.11.2007 kl. 22:08]

Bin Laden hefur ekki þurft að breyta útliti sínu, í fyrsta lagi er photoshopið nógu gott til að breyta myndum.

Í öðru lagi er nóg að hafa svipað andlitsfall, þá er hægt að breyta útliti á fólki þannig að það líkist öðrum.

a) Ég er ekki sannfærður um að Bin Laden sé á lífi og þar af leiðandi sé þetta verk hersins.

b) sjá svar a.

Ég hef meiri trú á styrk Bandaríska hersins en svo að þeir hafi látið Bin Laden sleppa frá sér í árásinni á Tora Bora.

[Emil Hannes Valgeirsson, 29.11.2007 kl. 22:23]

Eftir árásina á Tora Bora í Afganistan birtist ekki neitt nýtt myndband með Bin Laden fyrr en nú í haust þegar hann mætti svartskeggjaður og uppáklæddur og talaði um nýlega atburði. Í þeim myndböndum sem birtust í millitíðinnni voru notuð eldri myndskeið með almennum og tímalausum skilaboðum. Ljósmyndir og hljóðupptökur eru alltaf vafasamar en síðasta myndskeiðið sem alveg örugglega er af Bin Laden var tekið skömmu fyrir árásina á Tora Bora í desemer 2001. Hvað á maður að halda?

[Nonnucci, 29.11.2007 kl. 22:26]

Rétt er að photoshop getur gert kraftaverk, en ég hef ekki heyrt frá einum einasta sérfræðingi í fölsunum eða einhverju líku (sérstaklega sem sérhæfir sig í greiningu myndbanda) um að þessi myndbönd séu gervi.

Gerum ráð fyrir að B. laden hafi verið drepinn eins og hundinginn sem hann er (eða var, í þessu tilfelli). Lestu aftur a) og b) punktana mína og íhugaðu aðstæðurnar. Þessi myndbönd eiga líka uppruna sinn á al-Q tengdum vefsíðum, og hafa meðlimir þeirra sagt fyrirfram að myndbönd myndu koma (eða allavega fylgdi það frétt um það sem mig minnir að hafi verið síðasta myndbandið sem birt var með honum).

Ég hef líka mjög mikla trú á Bandaríska hernum, en það að finna einn mann og drepa hann í óvina-sýktum helliskerfum eins og eru í tora-bora er hægara sagt en gert, og hvað þá ef aðeins eru notaðar nákvæmar sprengur, en ekki allt svæðið sprengt í tætlur.

Sjálfur trúi ég að ef B. laden er lifandi þá sé hann í Pakistan, en það hefur reynst erfitt fyrir Bandaríska herinn að fá leyfi Pakistan að fara yfir landamærin, og mér sýnist ekki vera mikill áhugi á að fara í stríð við Pakistan hjá Bandaríkjunum. 

Hins vegar ef Bin laden er dauður, sem ég vona að hann sé og hafi fengið kvalarfullann og langann dauða, þá gæti það alveg verið að al-Q eigi söfn af upptökum og myndböndum sem hafa verið gerð yfir nokkuð langt tímabil, og sleppi reglulega nokkrum þeirra til almennings til að minna okkur á tilvist sína og vekja ótta (enda er það einn tilgangur þeirra ásamt því að eyða okkur). 

Ég sé ekki alveg tilganginn í því að Bandaríski herinn búi sjálfur til þessi myndbönd og birti þau, hann fær hvort eð er gífurlegt fjármagn frá þinginu, og ég er nokkuð viss um að talibanar og al-Q séu næg ástæða fyrir þingið til að dæla peningum í herinn, ekki bara þetta taðskeggjaða ófjeti.

[Nonnucci, 29.11.2007 kl. 22:30]

Kannski að maður eigi að halda að óþokkinn sé ennþá á lífi fyrst hann var að tala um nýlega atburði, og að hann hafi verið á stanslausum flótta á Tora Bora loftárásartímabilinu og eitthvað eftir það, Emil.

[Emil Hannes Valgeirsson, 29.11.2007 kl. 23:14]

Það getur vel verið að allt þetta sé rétt hjá þér, Nonnucci, en útlit Bin Ladens á síðasta myndbandi þótti samt sérstakt og vöktu efasemdir hjá mörgum um að þar hafi hann raunverulega verið á ferð.

[Nonnucci, 29.11.2007 kl. 23:20]

Já, ég vona innilega að þetta myndband hafi annaðhvort verið gamalt eða ekki hann sjálfur í því, þar sem þá eru miklar líkur á því að hann sé dauður. 

[Alexander Kristófer Gústafsson, 30.11.2007 kl. 00:36]

Ertu nokkuð 9/11 truther furðfuglinn?

[Helgi Hrafn Gunnarsson (IP-tala skráð) 30.11.2007 kl. 14:07]

Til hvers í ósköpunum ættu þeir að hafa fyrir því að falsa myndbönd af Osama bin Laden? Það er Bandaríkjastjórn til skammar að hann sé lifandi, og Bush hefur opinberlega sagt sjálfur að hann pæli ekki mikið í Osama, og þótti það mikill skandall. Það væri best fyrir Bandaríkjastjórn að Osama væri steindauður, þá þyrftu þeir ekki að sæta gagnrýni um að vera að berjast gegn hryðjuverkum á kolvitlausum stað, af kolvitlausum ástæðum með kolvitlausum aðferðum og með hræðilegum afleiðingum.

Það er enginn skortur á vondum köllum, sko. Osama bin Laden er langt frá því að vera forsenda þess að Bandaríkjastjórn gerir það sem hún er að gera, ef eitthvað er þvælist hann fyrir þeim.

Ég verð því miður að gefa þessari tilgátu núll stjörnur, með fullri virðingu. 

[Furðufuglinn, 30.11.2007 kl. 19:32]

Nei, Alexander.

[Furðufuglinn, 1.12.2007 kl. 00:39]

Þetta er sennilega rétt hjá ykkur báðum, Nonnucci og Helgi Hrafn.

Ég á bara erfitt með að kyngja því að Bin Laden hafi lifað þessa áras af, sérstaklega vegna þess að það voru herflokkar alls staðar í kringum fjallið og þeir stoppuðu alla sem komu úr þeirri átt sem fjallið er í.